Hvort er betra box eða yoga?

Arrrrg.. var búin að skrifa þetta ekkert stutta blog þegar tölvan mín (ég gæti nú hafa átt einhvern þátt í því) ákvað að láta það hverfa!

Annars þá vildi ég sagt hafa að ég skellti mér í box-tíma í fyrradag og fann svo sannarlega fyrir því í bæði örmum og fótleggjum daginn eftir svo ég ákvað að slappa af í Yoga tíma í dag. Þegar mér var búið að takast að standa á honum einari, með stuðning af aðeins einni tá og eftir það komin með tærnar ofaní gólf fyrir ofan hausinn og hnéin fyrir utan eyrun þá áttaði ég mig á því að ég átti ekkert eftir að standa upp þann daginn! Ég hélt ég myndi fara að grenja mér var svo illt í bakinu! En það hefur örugglega bara verið andadrættinum að kenna, kennarinn talaði allavega ekki um annað en hvað hann væri mikilvægur. Svo ég hugsa að ég taki pásu frá þessum rólegu æfingum í bili og bíti bara á jaxlinn og lifi með strengjunum frá hinum tímunum.
Annars þá er skólinn kominn á fullt, endalausar bækur að lesa og ég er ekki í nokkrum vafa um að ég verð orðinn expert í rakavandamálum eftir veturinn þar sem mér sýnist orðið "fukt" standa utan á hverri einustu bók (hljómar mjög spennandi ekki satt?) En ég fékk nú miklu skemmtilegri bók í afmælisgjöf frá Önnu og Elvu, hún heitir "Súperflirt" svo ætli ég sofni ekki bara yfir henni í kvöld svo mamma þurfi ekki að hafa áhyggjur af því að ég pipri að eilífu:)

En eitt enn, er ég að skrifa fyrir engan? Það lítur út fyrir að hinir útlensku vinir mínir séu mun duglegri við að lesa þar sem mynstrið er svona: ísl. blogg -0 comments, enskt blogg -4 comments, ísl.blogg -0 comments... jah eða þið eruð bara svona ofsalega fámál og það gerist ekkert hjá ykkur (en ykkur sem ég þekki best þá á þetta engan veginn við!)

Og spurning dagsins (fólk var soldið ósammála í skólanum í dag) en er blóðflokkurinn O, bókstafurinn O eða talan núll á íslensku?

Jæja nú er ég búin að taka Ctrl C af öllu svo ég ætla að þora að ýta á "publish"...

Adjö for now, vonast til að heyra frá ykkur