Alveg hrikalega heiðarleg.. en ógeðslega freistandi!

Arrg arrg arrg ég er BRJÁLAÐUR!!!

Eins og þið sjáið á síðustu uppfærslu sem inniheldur bara "c" þá tókst mér að eyða alveg ógeðslega löngum texta sem ég var að skrifa hérna inn með því að ætla að vera alveg örugg og ýta á Ctrl-c svo hann myndi örörugglega ekki tapast.. en NEI.. ég með mína feitu putta ýtti á Fn-c.. hvaða sá sem bölvaði takki það er!!! En nóg um það.. ég er alltaf svo glöð að ég byrja bara aftur ... :o)


En mér barst sko ekki leiðinleg sening í pósti í dag en það var ávísun úr bankanum uppá 120 þús krónur!!! Stílað á mína addressu... en reyndar ekki mitt nafn, og eiginlega bara ekkert nafn! Heldur var þetta stílað á "Folkmusikens-Vänner".. gat ég verið þessi þjóðlagavinur??? ... ég hugsaði mig um.. leit í gegnum geisladiskana mína.. músik albúmin í tölvunni.. en nei.. það passaði því miður ekki:( Ég var svo heiðarleg að ég fór ekki beint í bankann og reyndi að leysa þetta út heldur hringdi ég beint í fyrirtækið sem hafði borgað þetta út og sagðist vera með ávísun uppá 120.000 kall í óskilum. Konan var alveg óskaplega ánægð og þakkaði mér voða vel fyrir heiðarleikann og að vera svona góð, fékk hjá mér símanúmerið svo maðurinn sem sæi um bókhaldið gæti hringt í mig og reddað þessu. Hann hefur reyndar ekki hringt ennþá... kannski þjóðlagavinirnir hafi bara ákveðið að arfleiða mig??? En ég fann ekkert um Folkmusikensvänner nema þá líklegast að þetta væri félag harmonikkuspilara kominir á góðan aldur haha.

En svo barst mér önnur skemmtileg sending, sem var reyndar reikningur. En reikningurinn hljóðaði bara uppá 300 sænskar krónur. Þetta voru sem sagt skólagjöldin mín fram að jólum, en þegar mér var hugsað til þess hvað skólagjöldin eru orðin okurhá heima þá fannst mér eins og ég hefði grætt alveg helling:)
Gjöldin voru meira að segja sundurliðuð.. 120 SEK fóru til Háskólans 180 SEK til nationerna (nemendafélaganna) sem reka alla skólapubbana og svo þeir geti örugglega selt okkur ódýrt áfengi. Soldið skondin stefna!
En mér var hugsað til þess þegar ég kom hingað fyrst í fyrra og fór á fyrsta Laugardaginn í skólanum sem hét því virðulega nafni “presentations-lördag” sem mér fannst hljóma eins og kynningar frá hinum ýmsu æðri mönnum skólans, kennurum og eldri nemendum biði mín, mætti því með skólatöskuna og stílabók í skólann kl. 2. En NEI þetta var heldur betur misskilningur þar sem það fyrsta sem blasti við mér voru nokkrir básar þar sem boðið var uppá bjór, og hópur af eldri nemum uppklæddum í samfesting deildarinnar (hver deild á semsagt mismunandi litaða samfestinga sem notaðir eru við hin ýmsu tilfelli..) sem tóki á móti okkur nýnemunum sem var síðan skipt í hópa og fylgdumst með skemmtiatriðum, fórum svo í millipartý heim til faddrana okkar og djömmum fram á rauða nótt!
Maður tekur einmitt eftir því hvernig litlu saklausu nýnemarnir sem komu í síðustu viku spillast á ljósharaða!!
Ég ætla að leggja mig alla fram við það á Laugardaginn þegar við faddrarnir ætlum með þeim á “sittning” eða út að borða, syngja mikið og djamma svo fram á morgun. En ég missti af fyrstu 2 partýunum þar sem ég skrópaði um síðustu helgi.

En úr óhollustunni yfir í hollustunua, þá byrjaði átakið í gær! Ég og Hanna skelltum okkur í ræktina, í box-pass, og ég sver það ég skalf í höndunum af þreytu!!! En leið vel eftir á;)
Eldaði mér síðan saltkjöt og baunasúpu þegar ég kom heim, en ég fékk þá skringilegu löngun í gær að mig langaði svo hrikalega mikið í baunasúpu. Þetta var kannski bara náttúruleg köllun frá líkamanum að biðja um eitthvað hollt! En hún mamma er búin að vera ansi dugleg í að passa upp á að ég éti alveg örugglega yfir mig af góðum mat og oftar en ekki einhverju sætu og nýbökuðu í eftir rétt í sumar. Og að ógleymdum mjög tíðum bakarísferðum í vinnunni!

Ég gerði nú svona lokaslútt á óhollustunni í kvöld og bauð Karin og Mattíasi í O.C. premiär kaffi. Bakaði vöfflur á nýja járninu frá stelpunum;) Óhollustan var semsagt enduð með nýbökuðum vöfflum, ís og sultu.. ummm (við skulum sjá til hvað mér tekst oft að borða síðasta óholla hlutinn....) Sigríður gott ef ég hætti ekki bara að borða kökur þangað til ég sé þig næst;)

Nú er semsagt nýja lífið hafið... –ræktin –hollur matur –skipulögð í skólanum og EKKI eiga eftir að lesa allt nokkrum vikum fyrir próf!!!! (hvað hef ég oft sagt þetta??? ) Jamm en núna ÆTLA ég! Haha;)

Semsagt komið að smá lestri fyrir svefninn, en ég verð endilega að líta aðeins í nýju hagfræðibókina mína, en þessi blessaða hagfræði-stærðfræði er hugsuð allt öðruvísi en við verkfræðinemarnir hugsum.. þarf örugglega bara að hugsa aðeins of mikið. Jah ég ætti kannski bara að byrja á því að tala upp sænsku orðabókina og skilja spurningarnar, en Svíar eru voða mikið fyrir að koma honum Jóni Salomons sem á fyrirtækið Fótur hf, sem var stofnað ’97 og hann gifti sig 5 árum síðar o.s.frv. fyrir í spurningunum bara til þess að biðja mann að reikna út hagnaðinn á sölu síðasta árs t.d. ... sem ruglar mig soldið í ríminni stundum;)

En er ég með munnræpu??? Mér tekst aldrei að skrifa minna en 130 línur!!

Ok, góða nótt, sofiði rótt, í alla nótt.....