"Tzzs-Tzzs"

Jæja þá er Verslunarmannahelgin liðin og mikið ógeðslega skemmti ég mér vel!
Þrátt fyrir að meðalaldur tjaldstæðagesta hafi verið um 15 þegar við mættum fyrst á svæðið þá var helgin bara hreinasta SNILLD og í æðislegu veðri! Anna og Elva hafa nottla ekkert breyst og reittu af sér brandarana svo ég kom heim með strengi í maganum! (flestir frasarnir eru ekki netútgáfuhæfir.. bara algert “tzzs-tzzss”...)
Við fórum á græna hattinn, svarta teið, rauða tómatinn eða hvað það nú hét á Hjálma á Föstudagskvöldinu. Ég hélt ég væri á útihátíð og skellti mér líklega í gömlu góðu óléttusokkabuxurnar hennar mömmu sem klikka aldrei, flíspeysu, jakka, með trefil, í ullarsokkum, strigaskóm og útilegubuxum á djammið, en nei þá var fólk bara í hinum fínustu fötum og í frekar eðlilegum miðbæjargír, skítt með það ég skemmti mér þrátt fyrir það alveg konunglega. En þar sem helmingurinn af bandinu er nú sænskur þá þóttist ég bara vera sænskur túristi sem hefði elt hjálma alla leið til Íslands því ég væri alger fan svo ég mátti alveg líta hallærislegra út en hinir. Ég hitti Arnar litla frænda og leit að sjálfsögðu eftir guttanum eins og ég hafði lofað mömmu hans;)
En eitt af því fyrsta sem blasti við okkur niðri í bæ voru 3 alveg eins klæddir menn, og eitthvað kannaðist ég við þá en sá ekki í þann 3ja fyrir stórum hatti. Þetta var þá bara hann ragnar og félagar hans (þetta varð nú bara eins og hálfgert ættarmót þar sem vinur ragga er víst stórfrændi minn og þegar helga slóst í hópinn var hægt að fara að ræða um hana ömmu gömlu haha) en þrátt fyrir að þessir menn séu að nálgast þrítugt (haha) þá var ekki á því að bera og voru þeir eldhressir og ungir í anda. Gott ef þeir voru ekki bara enn virkari í frasasetningum helgarinnar en Anna og co, svo við setjum bara “tzzss –tzzzss” við því líka!
Svo bættist Sandra í hópinn á Laugardaginn, við vorum voða fegnar þar sem það var loksins einhver í hópnum sem leit út fyrir að koma af sömu pláhnetu og restin af fólkinu (svona manneskja í eðlilegri kantinum sem segir ekki bara allt sem hún hugsar) og þar með voru kaflaskiptingin hennar Elvu orðin klár. Ég er ekki frá því að við hefðum getað haldið bekkjarmót niður í bæ á Laugardagskvöldið, þarna voru ég, Sandra, Siggi, Davíð, Andri, Þráinn. Kalli, Sólrún, Anna Rún og Lára, Hákon og fullt af fólki, enda ákváðum við það að við yrðum að halda bekkjarmót um jólin! Seinna um kvöldið fórum við á Sálina í Sjallanum og ég hef hreinlega aldrei farið á jafn skemmtilegt ball! Sálin var frábær, við vorum komin á dansgólfið áður en þeir byrjuðu að spila og ég fór ekki af því fyr en þeir voru hættir! Enda var röddin alveg horfin eftri helgina. Það var uppselt áður en Helga og Bjarni komu inn, en við redduðum því nú, helga keypti miða af einhverri stelpu og ég leiddi hann mág minn inn eins og við værum þvílíkt ástfanginn þangað til að dyravörðurinn vorkenndi okkur svo mikið að það ætti að stía okkurí sundur ad hann hleypti honum líka inn, haha gott ef við vorum ekki bara sprungin úr hlátri þá þegar!
Hápunktur helgarinnar hjá Ósk sem skellti sér á Neystaflug var líklega sú að henni var neitað að komast inná ball þar sem hún var ekki með skilríki haha,, en osk mín við erum nú komnar á þann aldur að þetta er orðið hrós;)
Sunnudagsmorguninn var hafinn mjög menningarlega með “opnu húsi” og var opnunarathöfnin mjög eftirmynnileg þegar anna og elva skriðu út úr tjaldinu alveg þvílíkt ferskar og rauði varaliturinn lak niður tjaldið muhaha:)
En Sunnudagskvöldið var hafið með seinniparts-eðal-pulsu-grilli, tjaldbrandarastund og brekkusöng (þar sem raddböndunum var endanlega nauðgað), þaðan lá leiðin á kirkjutröppurnar til að horfa á flugeldasýningu og svo á ball með Stuðmönnum sem voru bara alls ekekrt til að hrópa húrra fyrir, enda engir stuðmenn án Röggu Gílsa,... svo ég vitni nú í frasann “Stuðmaður-Stuðkona.. það er bara eins og gleðimaður-gleðikona!” (þeir skiljann sem skiljann tzss-tzzs!)
En afrek helgarinnar var líklega að takast það að vera síðastar af tjaldstæðinu á Mánudaginn ahah.. það voru bókstaflega allir farnir. En við fengum verðlaun fyrir flottasta tjaldið (sem er bara 49 ára gamalt með trésúlum.. algert eðaltjald) gæslan spurði hvort við hefðum stolið því af þjóðminjasafninu og gáfu okkur 6 fallega nærboli í staðinn, en þeir eiga eflaust eftir að koma sér vel á næstu þjóðhátíð:)
Hvert kvöld var semsagt alger snilld og var hver morgun byrjaður á ljúfri sundferð, það er nottla alltaf gott ad fara í sund og “tzss-tzss” já eða fara bara í rennibrautina og láta eins og maður sé í liðveislu!Við komumst allar heim að lokum, komum beint heim í grill og tertur ummmm, og Elva kom svo um Kvöldið og tókum við lokahláturskastið og kaflaskiptum restinni af helginni:) en nú er bara harkan 6 í vinnunni að jafna sig á hæsinu og sjúga upp í nefið. En ég var svo hás á sunnudeginum að ég var búin að tala við mömmu í 10 mín í símann þegar hún spurði hvort þetta væri ég, þá hélt hún að hún væri að tala við Helgu sem er þekkt fyrir sína viskí-rödd. Svo var mamma líka handviss um að ég hefði verið að slást þar sem brunasárin á nefinu voru farin að flagna ansi-mikið! En svo slæmt var það ekki, heldur var helgin BARA skemmtileg (og hver veit hvað hefði gerst ef hun sigríður ítalíudrottning hefði verið á svæðinu?? :)