Stend við ÆTLIÐ á methraða

Ég verð nú eiginlega bara aðeins að monta mig og updata "Ætlið mitt" því í þessum töluðu orðum sit ég á bókasafninu í skólanum í eyðunni minni og er að gera heimadæmi!! þetta kalla ég sko aga þar sem ég hefði getað farið heim að sofa úr mér þreytuna sem ég þjáist af af sökum Magnavöku!

Ég áttaði mig nefninlega á því að ég er búin að vera ótrúlega dugleg að prenta út heimadæmin mín.. en aðeins minna dugleg við að taka þau upp aftur:/ .. svo bunki sem þarf að klárast fyrir næstu viku.

En ég ætti nú ekki að eiga í vandræðum með það þar sem ég lifi alveg á tvöföldum hraða miðað við marga aðra;) haha ég var AFTUR spurð þegar ég var að gefa blóð um daginn:

"Hljópstu hingað?" -neei
"Varstu að drekka kaffi?" -neei
"Ertu mjög stressuð?" -neeei

Þetta er semsagt reglulegi spurningalistinn sem ég fæ þar sem ég er yfirleitt með hvíldarpúls yfir 100 (sem þykir ekki mjög venjulegt...já og oft einkennandi fyrir fólk í mjög lélegu formi og þjáist jafnvel af offitu haha.. ) en nei þetta er ekki baaara æfingaleysið og offitan sem er að hrjá mig því ég hef alltaf verið svona... líka þegar ég var í toppformi og æfði tvisvar á dag og leit frekar út fyrir að vera vannærð! og samt með skokkpúls uppá rúma 200..... semsagt ég hef komist til botns í málinu af hverju ég ét eins og grís... ég hlít að brenna tföfalt hraðar en aðrir:)