Tæland Framhald

Þá erum við komin heim í kuldann eftir rúmlega 20 tíma ferðalag. Við vöknum ennþá upp um miðjar nætur eldhress eftir tímamismuninn. Þökk sé dýrasta spilastokki sem við höfum nokkurn tíma keypt að við lifðum ferðalagið af (spilastokkar voru mjög framandi hlutur í Thailandi). Við vorum farin að spila póker uppá hina ýmsu hluti á leiðinni. Þegar heim var komið sat Raggi uppi með allan þvott úr ferðinni og átti að redda kvöldmat þegar við komum heim. Mín beið eldamennska og uppvask í 2 daga auk þess að ég á eftir að nudda hann ragga bæði axlir og tær haha.

Ferðin var í alla staði frábær. Við vorum komin til Hua Hin síðast þegar ég skrifaði. Þar láum við mest á ströndinni og böðuðum okkur í sólinni. Það var varla líft annar staðar yfir hádaginn nema næst sjónum þar sem golan var mest. Við leigðum okkur vespur 2 daga og keyrðum um helstu nágrenni í bilaðri vinstri traffík þar sem helsta reglan var að þú varst ekki kúl nema vera að minsta kosti 4 manns á vespunni og í mesta lagi einn með hjálm og það ekki fastan og þú sýndir gangandi vegfarendum EKKI tillitsemi!!! Við brutum allar þessar reglur og vorum bara 2, bæði með hjálm og það stóra og góða hjálma enda horfið fólk á okkur eins og útlendinga;) Þar að auki voguðum við okkur einstaka sinnum að hleypa gangandi vegfarenda yfir 6 akreina götuna sem var ekki með eina göngubrú né gönguljós á meira en 10 km kafla.

Við fórum uppá Apafjallið í Hua Hin sem er þekkt fyrir að vera fullt af villtum öpum. Þessi dýr eru skuggalega lík mönnum. Við réttum einum kókdósina okkar sem hann drakk með bestu list haha. Ég sagði líkir mönnum, ekki að þeir kynnu mannasiði því hann komst fljótlega að því að það sullaðist minna niður á hann ef hann hellti bara smá slurk í einu á stéttina og sleikti það svo upp:)


Við fórum á fílabak einn daginn. Þvílík og önnur eins flykki þessi dýr! Ég ríghélt mér í þegar guidinn hoppaði af baki og lét okkur ríða honum ein.


Flestum kvöldum eyddum við svo hjá klæðskeranum sem er búin að sauma á okkur fullt af fötum, svo vorum við dugleg að prútta á næturmörkuðum bæjarins. Risa-Risa-taskan sem við keyptum okkur í Bangkok og ætluðum bara að setja flugfreyjutöskurnar ofaní á leiðinni heim var allavega stútfull þegar heim var komið:)

Það er soldið skammarlegt að segja frá því að hafa mestmegnis borðað vesturlenskan mat þegar maður er í Thailandi (þar með talið Mc. Donalds og Pizza Company sem er eftirherma af Pizza Hut) en þetta var allt saman gert af læknisráði, því það var mjög slæmt að fá matareitrun haha;) En við stunduðum nú einnig steikhúsið Corner 84 sem var rekið af pjúra tælendingum;) Þar kostaði dýrasta steikin á matseðlinum heilar 800 kr ísl, geggjað flott!


Asíubúar eiga alveg hrós skilið fyrir að kunna ekki að segja RRRRR, þetta var mikið skemmtiefni í ferðinni;) Ég hugsaði mig lengi um áður en ég þáði Elefant lightning... soldið löngu seinna fattaði ég að hann var að reyna að segja elefant riding;) Svo var alltaf seldur Ice-cleme á ströndinni og sticky lice, mjög girnó:) Þetta skilti var doldið gott líka

Tími til að horfast á við raunveruleikann á ný og drífa sig í skólann.. mikil gleði!! Myndirnar frá ferðinni eru komnar inn, undir Myndir 10.