Lítill heimur

Það var skondið í dag þegar ég var að hjóla niðri í bæ og sá konu sem ég kannaðist geggjað við... hausinn fór í gang.. hugsa-hugsa.. svo pæng þegar ég var búin að hálf snúa mig úr hálsliðnum þá kom uppúr mér mjög upphátt.. AGNES! Haha hversu fast getur útlit á fólki setið í kollinum á mér? því þetta var hún Agnes flokkstjórinn okkar í unglingavinnunni þegar við vorum í 8. bekk!!! og það eru bara 8 ár síðan þá. Hún var svo mikill snillingur og var í þvílíku uppáhaldi hjá okkur stelpunum. Það var svo gaman hjá okkur í vinnunni þetta sumar að okkur fannst bara æði að reita lúpínu! Allavega þá hefur hún ekkert breyst.. á 8 árum og búin að eiga 2 börn! Svona ætla ég að vera.. svo nú ætla ég bara að standa í stað í svona 10 ár héðan í frá -passa að halda vel við þegar ég hnerra og brosa í algeru lágmarki til að flýja hrukkurnar!

Það er innflutningspartý hjá Jenny á morgun, svo við Hanna fórum í bæinn að kaupa innflutningsgjöf, ég keypti nokkrar jólagjafir í leiðinni (jamm í Október..) svo stóð ég mig með eindæmum vel í því að flýja lærdóminn og fór að pakka inn og skreyta.. leið eins og það væru að koma jól! ... ég er eins og lítill krakki.. ég hlakka geggjað til jólanna!!!