Yfir Tindastólinn...

Skellti mér í svona "allt í einu" ferð með fjölskyldunni í gær eftir vinnu, leiðin lá frá Skíðastöðum á leiðinni útá skaga, upp Tindastólinn að Vestan, upp að Óskatjörn, niður aftur, upp á toppinn og yfir hann og gengum niður að Reykjum á Reykjaströnd. Alveg þrælgaman, bara 6 tíma ganga í æðislegu veðri.. (rigndi bara pínu á leiðinni niður), og hasberurnar eru aðeins að segja til sín í dag! En samt bara ótrúlega heil eftir þetta allt saman;)

Annars þá er ég að missa af miðjarðarhafshita í Svíþjóð núna, og Reunioni í Suður-Frakklandi.. bad timing.. en ég klifra bara fjöll hérna heima í blíðunni í staðinn haha og les sögur af sigríði sóla sig í staðinn;)

Enginn er verri þótt hann vökni

Uss hvað ég er búin að vera dugleg, afrekaði einn fjallstindinn í safnið á Föstudaginn. Elva kom í heimsókn og við lögðum út í þokuna og rigninguna og gengum á Molduxann (hugsaði nottla um gamla góða orðtakið hennar Óskar að enginn er verri þótt hann vökni!). Margrét G og Nepali sem er úr skólanum mínum í Noregi (vinkona Kristínar Unu) komu með okkur. Þetta var þrælgaman, maður ætti endilega að gera þetta oftar! Eftir hollustuna fórum ég og Elva nú á "djammið".. já eða það var planið.... en nei það vorum við einar með trúbadornum Ómari á Kaffi Krók! Það var þvílíkt dautt, en komumst svo reyndar að því að "tónleikarnir" með stuðmönnum voru víst bara hörku sveitaball eins og gengur og gerist í Miðgarði, var víst ódýrara að auglýsa þetta sem tónleika.. enda á tónleikahald mikið betur við svona glæný "menningarhús" svo við misstum af því. En skemmtum okkur alveg konunglega í fjölmenninu á KK;) En hvað er málið eiginlega með að gera öll sveitaballahús héraðsins upptæk.. Bifröst er orðið lokað Bíó og Miðgarður menningarhús jah og ætli sundlaugin á Steinstöðum verði ekki bráðum stækkuð og gerð innilaug inní félagsheimilinu! Það er svei mér þá komin tími á Ríkarð 2005 í Húnaveri:)

En aftur að börnunum mínum.. eins og ég sagði síðast þá mátti ég skíra kettlingana hennar óskar. Og örstutta umhugsun var ég búin að skíra þann gráa Tommi & Jenni (gerði ráð fyir að hann væri tvíklofinn persónuleiki) og þann svarta Batman. Það var aðeins verra þegar hann grái var hún! humm ég hugsaði mig lengi um.. og datt í hug Gunilla Tomsen, alveg hreint gullið nafn!
Þegar ég sagði sænskum vini mínum að sá þriðji héti Ormur, þá fannst honum það nú soldið eins og að skíra kú fugl.. það er nú reyndar nokkuð til í því!

Og viti men.. það kom sól í dag.. og 20 stiga hiti! hvað er að gerast, það er aldrei að vita nema maður taki upp sólgreraugun og stuttbuxurnar á morgun!
En nú er komin háttatími fyrir vinnandi fólk, gonatt

Komin heim...

Jæja, komin heim á klakann og farinn að vinna, slappa af og njóta lífsins! Kom reyndar heim fyrir 2 vikum... en betra er að updata seinna en aldrei (finnst ekkert svo langt síðan ég kom þar sem ég er ekki ennþá búin að taka uppúr töskum).
Ég er að vinna á Verkfræðistofunni STOÐ og líkar alveg frábærlega.. get ekki sagt að ég kunni mikið en ég læri. Er að vinna mest í svona landupplýsingakerfi í einhverju forriti sem ég hef aldrei séð áður að vinna í gagnagrunni fyrir hitaveitu skagafjarðar.. mjög spennandi:)
Mamma, pabbi og Ingvi komu í heimsókn til mín út síðustu vikuna áður en ég kom heim. Við keryðum um Skán þveran og endilangan svo ég get allavega sagt að ég hafi séð eitthvað meira en Lund, skólann og skemmtistaðina í kring þar sem ég er nú búin að búa þarna í ár.

Það er móturhjólamót hérna á króknum um helgina... og við erum að tala um sjúkt flott hjól í hundraða tali. Ég er að deyja mig langar svo að prófa... en nei, mömmu tókst nú að skemmileggja gamla hjólið hans pabba, og nýja hjólið hans er svo stórt að það kæmist ekki á milli lappanna á mér .. en að sjálfsögðu reddar litli bróðir málunum og lánaði mér skellinöðruna sína! Haha það var svona hópreið frá Varmahlíð á fimmtudagskvöldinu, mörghundruð hjóla röð af ógeðslega flottum hjólum.. ég var alvarlega að spá í að slást í för á litlu nöðrunni, hefði verið töff. Hef heyrt sögur af því að hún komist upp í 65 hvorki meira né minna!!!
Svo var spirnu-keppni í dag á racer-hjólum, og seinna drullu-sprinu keppni á crossurum sem var geggjað kúl og ógeðslega drullugt! Það var bara ein kona að keppa, ég skildi ekkert í Ósk að keppa á móti henni þar sem hún er nú nýbakaður crossaraeigandi og meira að segja komi með próf:)

Annars þá er Spjaldveig hennar Óskar búin að eignast þríbura.. ég er búin að ættleiða einn (en hann verður í umsjá Óskar) en ég hef tekið að mér að gefa honum/henni nafn.. bíð ennþá eftir kynjagreiningu. En við erum að tala um að hann er alveg eins og Tommi í Tomma & Jenna. En það er ekkert kúl að skíra bara Tommi.. svo er að hugsa um að skíra hann bara Tommi & Jenni. Það getur nottla ekkert orðið asnalegra en kettirnir hennar heita nú þegar.. Spjaldveig og Ormar!

Það er fullt um að vera í bænum um helgina.. endalaust djamm. Fór út á Fimmtudaginn, Smack var að spila á barnum, ég skemmti mér konunglega, hitti fullt af fólki. Ég stóð mig ekki alveg jafn vel í gær.. ég var komin heim kl 2 .. og það a undan mömmu og pabba. Það er sko alveg greinilegt að hana Sigrðíði vantar í bæjinn til að draga mann af stað á skrallið;) En hún lífgar upp 900 manna eyjuna á Ítalíu í staðinn. En það stefnir allt í annað hvort Atómstöðina á barnum í kvöld eða stórdansleik með Von í Reiðhöllinni.

Jæja kominn matur.. aftur.. mér finnst ég alltaf vera að éta hérna heima! En gefiði mér endilega hugmynd um gott nafn á "litla barnið mitt" ef það kæmi nú í ljós að það yrði kona.. það kemur alveg til greina að ég skíri það í höfuðið á einhverjum ef þið biðjið fallega:)